Nowe medije - kotrež jako towaršnosć hakle tři lětdźesatki wužiwamy - wolóžeja nam komunikaciju a su wuběrny grat, chceš-li informacije šěrić, dźělić, stworić, aktualizować. 

Z tym pak tež brachi zwisuja, z kotrymiž hišće prawje wobchadźeć wuknjemy. Jenička wopačna powěsć (fakenews) dźě móže wulku towaršnostnu škodu naparać. 

Pokazamy Wam (wu)puće, zo byšće tutón nowy swět spomóžnje wužiwali, strach před nowym a njeznatym zhubili ... teoretisce a praktisce, hač w skupinach abo w indiwidualnym trainingu ... wšo wězo serbsce. 

Bórze tež w socialnych syćach nowe serbske kubłanske formaty nastanu. Wuspytamy so tež na polu nowšich technologijow: fota w kuće 360°, VR-wodźenja, technika CNC, spóznawanje rěče STT ... 

Hač kubłanje w šuli, dalekubłanja w powołanju abo za priwatne zajimy – něšto noweho wuknyć a nawuknyć so přec zadani. 

Team LUCIJA Was rady při tym přewodźa: wobkedźbuje, poradźuje, informuje, kubła, inspiruje, nawjeduje, přewjeduje, wuhódnoća, změni, polěpša. Z wutrobu, wutrajnje a (nje)sćerpliwje wěnujemy so našemu naročnemu nadawkej: serbsku rěč a nowe medije zasadźeć, dale wuwiwać, zachować, znowa wunamakać, nałožować – na dobro serbskeho ludu, našich tradicijow a kultury. 

Zwjetša smy mobilnje po puću. Mamy pak tež studijo, seminarne rumnosće, modernu techniku. Při projektach a kubłanjach podpěraja nas młodźi, nazhonići referenća a cyły Serbski dom.

Skićamy kóždy čas praktikum a prózdninske dźěło. 

Tež serbšćina swět wopřijacy internet wobohaća. Tworimy sej runje nowe rumy za našu rěč a myslenje w serbšćinje. Jako runohódna rěč w digitalnym swěće wotbłyšćuje naše wšědne žiwjenje. Wšojedne, hač ju miliony abo jenož dźesatki ludźi nałožuja. 

Lětstotki nałožowana serbšćina so tež w modernym swěće dale wuwiwa. Trjebamy ju nuznje za wobstaće globalnych wužadanjow w přichodźe. Přetož: mono-lingualne towaršnosće su w swětowych stawiznach něhdy raz zašli. Mono-kulturam faluje fleksibelnosć, so spěšnje na nowe wobstejnosće nastajić. 

Tež Microsoft, Apple a google su to skónčnje zhrozumili. Rěč je jadro kultury. Kultura wobwliwuje myslenje. Samsne mysle niča kreatiwitu, kónc wuwića. Pomyslće jenož na to, kelko komputerowych rěčow mjeztym je …